تڑپ کے لوٹ کے آنسو بہا کے دیکھ لیا

تڑپ کے لوٹ کے آنسو بہا کے دیکھ لیا

لگی نہ دل کی تجھے دل لگا کے دیکھ لیا

کسی نے داد نہ دی کچھ فسانۂ دل کی

انہیں بھی درد محبت سنا کے دیکھ لیا

کسے امید تھی آؤ گے تم دم آخر

بڑا کمال کیا تم نے آ کے دیکھ لیا

کہا تھا میں نے کہ دشوار دل کا لینا ہے

وہ بولے دور سے مجھ کو دکھا کے دیکھ لیا

غضب کیا کہ چکھا کر مے سخن کا مزا

شرفؔ سے شخص کو بے خود بنا کے دیکھ لیا

tarap ke laut ke ansu baha ke dekh liya

lagi na dil ki tujhe dil laga ke dekh liya

kisi ne dad na di kuchh fasana-e-dil ki

unhen bhi dard-e-mohabbat suna ke dekh liya

kise umid thi aoge tum dam-e-akhir

bara kamal kiya tum ne a ke dekh liya

kaha tha main ne ke dushwar dil ka lena hai

wo bole dur se mujh ko dikha ke dekh liya

ghazab kya ke chakha kar mai sukhan ka maza

sharaf se shakhs ko be khud bana ke dekh liya