تپ الم کو جگر میں چھپا کے دیکھتے ہیں

تپ الم کو جگر میں چھپا کے دیکھتے ہیں

ہم آگ اپنے ہی گھر کو لگا کے دیکھتے ہیں

خدا کو دیکھتے ہیں یوں ہم اس کی صورت میں

کہ گویا سامنے اپنے بٹھا کے دیکھتے ہیں

وہ بولے دیکھ کے شیشے میں اپنی صورت کو

شبیہ حضرت یوسف منگا کے دیکھتے ہیں

چرا لیا میرے پہلو سے دل جنہوں نے مرا

اب ان کو دیکھو وہ آنکھیں چرا کے دیکھتے ہیں

نہ پوچھ کوچۂ جاناں کی رہ گزر نایابؔ

ہنوز جذبۂ دل آزما کے دیکھتے ہیں

tap-e-alam ko jigar mein chhupa ke dekhte hain

ham ag apne hi ghar ko laga ke dekhte hain

khuda ko dekhte hain yun ham us ki surat mein

ke goya samne apne bitha ke dekhte hain

wo bole dekh ke shishe main apni surat ko

shabih hazrat-e-yusuf manga ke dekhte hain

chura liya mere pahlu se dil jinhon ne mira

ab un ko dekho wo ankhen chura ke dekhte hain

na puchh kucha-e-janan ki rah guzar nayab

hanoz jazba-e-dil azma ke dekhte hain