تڑپتے دل کو نہ لے اضطراب لیتا جا

تڑپتے دل کو نہ لے اضطراب لیتا جا

پٹک دے ساغر خالی شراب لیتا جا

وہ ہاتھ مار پلٹ کر جو کر دے کام تمام

بڑے عذاب میں ہوں میں ثواب لیتا جا

وہ بن ہی گھر سے ہے اچھا سکون جس میں ملے

مجھے بھی او دل خانہ خراب لیتا جا

ملے اک آہ کا وقفہ تو وقت پرشش حال

ہر اک سوال کا اپنے جواب لیتا جا

نقاب اٹھا کے کیا سامنا تو منہ کو نہ پھیر

دکھا کے خواب نہ آنکھوں سے خواب لیتا جا

tarapte dil ko na le iztirab leta ja

patak de saghar-e-khali sharab leta ja

wo hath mar palat kar jo kar de kam tamam

bare azab mein hun main sawab leta ja

wo ban hi ghar se hai achchha sukun jis mein mile

mujhe bhi o dil khana kharab leta ja

mile ik ah ka waqfa to waqt purshash hal

har ik sawal ka apne jawab leta ja

naqab utha ke kiya samna to munh ko na pher

dikha ke khwab na ankhon se khwab leta ja