تڑپنا بھی دیکھا نہ بسمل کا اپنے

تڑپنا بھی دیکھا نہ بسمل کا اپنے

میں کشتہ ہوں انداز قاتل کا اپنے

نہ پوچھو کہ احوال ناگفتہ بہ ہے

مصیبت کے مارے ہوئے دل کا اپنے

دل زخم خوردہ کے اور اک لگائی

مداوا کیا خوب گھائل کا اپنے

جو خوشہ تھا صد خرمن برق تھا یاں

جلایا ہوا ہوں میں حاصل کا اپنے

ٹک ابرو کو میری طرف کیجے مائل

کبھو دل بھی رکھ لیجے مائل کا اپنے

ہوا دفتر قیس آخر ابھی یاں

سخن ہے جنوں کے اوائل کا اپنے

بنائیں رکھیں میں نے عالم میں کیا کیا

ہوں بندہ خیالات باطل کا اپنے

مقام فنا واقعے میں جو دیکھا

اثر بھی نہ تھا گور منزل کا اپنے

tarapna bhi dekha na bismil ka apne

main kushta hun andaz-e-qatil ka apne

na puchho ke ahwal nagufta ba hai

musibat ke mare hue dil ka apne

dil-e-zakhm khurda ke aur ik lagai

mudawa kiya khub ghayal ka apne

jo khosha tha sad khirman-e-barq tha yan

jalaya hua hun main hasil ka apne

tuk abru ko meri taraf kije mail

kabhu dil bhi rakh lije mail ka apne

hawa daftar-e-qais akhir abhi yan

sukhan hai junun ke awail ka apne

banaen rakhen main ne alam mein kya kya

hun banda khayalat batil ka apne

maqam-e-fana waqie mein jo dekha

asar bhi na tha gor manzil ka apne