تکلم جو کوئی کرتا ہے فانی

تکلم جو کوئی کرتا ہے فانی

ہماری اور تمہاری ہے کہانی

جنوں میں یاد ہے اک بیت ابرو

کہاں ہے اب دماغ شعر خوانی

مآل عاشق و معشوق ہے ایک

سنا ہے شمع سوزاں کی زبانی

نشاں ہم بے نشانوں کا نہ پایا

صبا نے مدتوں تک خاک چھانی

وہ عاشق ہوں نہ آئے نیند مجھ کو

سنوں جب تک نہ یوسف کی کہانی

نہیں بچتا ہے بیمار محبت

سنا ہے ہم نے گویاؔ کی زبانی

takallum jo koi karta hai fani

hamari aur tumhari hai kahani

junun mein yad hai ik bit abru

kahan hai ab dimagh-e-sher khwani

maal-e-ashiq-o-maashuq hai ek

suna hai sham-e-sozan ki zabani

nishan ham be nishanon ka na paya

saba ne muddaton tak khak chhani

wo ashiq hun na ae nind mujh ko

sunun jab tak na yusuf ki kahani

nahin bachta hai bimar-e-mohabbat

suna hai ham ne goya ki zabani