تہہ و بالا جہاں کو کر رکھا ہے اپنی اودھم سے
رنجور عظیم آبادیتہہ و بالا جہاں کو کر رکھا ہے اپنی اودھم سے
سوا اس کے کہیں ہم کیا خدا ہی سمجھے ویلیم سے
بہار جرمنی اب کوئی دم میں ہوتی ہے آخر
نہیں یہ وار اس کے حق میں کم ونڈ آف آٹم سے
جو مارے جانے سے بچ بھی گئے اس جنگ یورپ میں
وہ بے شک بہرے ہو جائیں گے توپوں کی دھما دھم سے
ہوئیں تعلیم پا کر بیبیاں اب لیڈیاں خاصی
بدل ڈالیں نہ بیگم کو کیوں وہ میڈم سے
ہوئیں آزاد قید شرع سے تعلیم کے صدقے
پکڑ کر دست نامحرم نہ کیوں اتریں وہ ٹمٹم سے
پڑے یارب کسی دیو جفا جو سے اسے پالا
اڑایا جس نے فوٹو اس پری کا میرے البم سے
میں جنٹلمین ہوں معشوقہ بھی مس مل ہو یا مس ہل
غرض ہے زہرہ خانم سے نہ کام اقبال بیگم سے
رہا ان کے سروں میں گر یہی سودا رقابت کا
ہلاک اک دن نہ کر ڈالیں کہیں اعدا مجھے بم سے
اکیلا میں سب اعدا کی خبر لینے کو کافی ہوں
میں کیوں ڈرنے لگا اے یار ان کے الٹی میٹم سے
بیاض اپنی نہیں پڑھ سکتے گو ضعف بصارت سے
سناتے ہیں غزل ہم حافظے کی میمورنڈم سے
جو میجر جائزہ لینے کو پہنچا اپنے لشکر میں
ہوئے کان اس کے بہرے ہر طرف کے شور ولکم سے
tah-o-bala jahan ko kar rakha hai apni odham se
siwa us ke kahin ham kya khuda hi samjhe wilyam se
bahar-e-jarmani ab koi dam mein hoti hai akhir
nahin ye war us ke haq mein kam wanad af atam se
jo mare jane se bach bhi gae is jang yorap mein
wo be shak bahre ho jaenge topon ki dhama dham se
huin taalim pa kar bebayan ab lediyan khasi
badal dalen na begam ko kyun wo maidam se
huin azad-e-qaid-e-shara se taalim ke sadqe
pakar kar dast namahram na kyun utren wo tamtam se
pare yarab kisi dew-e-jafa jo se use pala
uraya jis ne foto us pari ka mere albam se
main jantilmen hun maashuqa bhi mis mil ho ya mis hal
gharaz hai zohra khanam se na kam iqbal begam se
raha un ke saron mein gar yahi sauda raqabat ka
halak ik din na kar dalen kahin aada mujhe bam se
akela mein sab aada ki khabar lene ko kafi hun
main kyun darne laga ai yar un ke ulti metam se
bayaz apni nahin parh sakte go zof-e-basarat se
sunate hain ghazal ham hafize ki memorandam se
jo mejar jaiza lene ko pahuncha apne lashkar mein
hue kan us ke bahre har taraf ke shor wilkam se