ایک تنہا خاطر محزوں جسے افکار سو
میر اثرایک تنہا خاطر محزوں جسے افکار سو
ایک مجھ بیمار سے وابستہ ہیں آزار سو
ہے تعجب نوک مژگاں سے جو خوں آلودہ ہوں
خوں گرفتہ ایک دل اور خنجر خونخوار سو
مو بہ مو کیوں کر نہ ہو مجھ کو گرفتاریٔ زلف
کافر عشق بتاں میں ایک اور زنار سو
دو بہ دو کب ہو سکیں اس کے اثرؔ ہے آنکھ نار
کیا ہوا، ہیں دیکھنے کہنے کو گر اغیار سو
ek tanha khatir-e-mahzon jise afkar su
ek mujh bimar se wabasta hain azar su
hai taajjub nok-e-mizhgan se jo khun aluda hun
khun girafta ek dil aur khanjar khunkhwar su
mu ba mu kyun kar na ho mujh ko giraftari-e-zulf
kafir-e-ishq-e-butan mein ek aur zunnar su
do ba do kab ho saken us ke asar hai ankh nar
kya hua, hain dekhne kahne ko gar aghyar su