تیرے آگے یار نو یار کہن دونوں ہیں ایک

تیرے آگے یار نو یار کہن دونوں ہیں ایک

زاغ زشت اور طوطئ شکر شکن دونوں ہیں ایک

میں سیہ بخت اور رقیب رو سیاہ ہم رنگ ہیں

قیر تیرے پاس اور مشک ختن دونوں ہیں ایک

نغمہ کش کیا داستاں اپنی سنائے واں جہاں

صورت بلبل اور فریاد زغن دونوں ہیں ایک

ہو رقیب مردہ شو پر ہو نہ کیوں روشن بیاں

یاں چراغ گور و شمع انجمن دونوں ہیں ایک

لطفؔ کی آزاد وضعی سے مزا کیا خاک اٹھائیں

یاں زقوم دوزخ و سرو چمن دونوں ہیں ایک

tere age yar nau yar-e-kuhan donon hain ek

zagh zisht aur tuti-e-shukr-e-shikan donon hain ek

main siyah bakht aur raqib ro siyah ham rang hain

qir tere pas aur mushk-e-khutan donon hain ek

naghma kash kya dastan apni sunae wan jahan

surat bulbul aur fariyad zaghan donon hain ek

ho raqib-e-murda sho par ho na kyun raushan bayan

yan charagh-e-gor-o-sham-e-anjuman donon hain ek

lutf ki azad wazai se maza kya khak uthaen

yan zaqum dozakh-o-sarw-e-chaman donon hain ek