تیری آنکھوں کی کیفیت کو میخانے سے کیا نسبت

تیری آنکھوں کی کیفیت کو میخانے سے کیا نسبت

نگہ کی گردشوں کو دور پیمانے سے کیا نسبت

یہ جیوے ہجر میں وہ وصل میں بھی جی نہیں سکتا

تکلف بر طرف بلبل کو پروانے سے کیا نسبت

یہ وہ موتی ہیں جن کی سیپیاں آنکھیں ہیں عاشق کی

مرے آنسو کو مروارید کے دانے سے کیا نسبت

ارے دل مت توقع دلبروں سے رکھ ترحم کی

لہو پیتے ہیں جو شخص ان کو غم کھانے سے کیا نسبت

گل اس کا داغ ہے اور سرو اس کا آہ موزوں ہے

یقیںؔ سے نوحہ گر کو باغ میں جانے سے کیا نسبت

teri ankhon ki kaifiyat ko maikhane se kya nisbat

nigah ki gardishon ko dur paimane se kya nisbat

ye jiwe hijr mein wo wasl mein bhi ji nahin sakta

takalluf bar taraf bulbul ko parwane se kya nisbat

ye wo moti hain jin ki sipiyan ankhen hain ashiq ki

mire ansu ko marwarid ke dane se kya nisbat

are dil mat tawaqqo dilbaron se rakh tarahhum ki

lahu pite hain jo shakhs un ko gham khane se kya nisbat

gul us ka dagh hai aur sarw us ka ah mauzun hai

yaqin se nauha gar ko bagh mein jane se kya nisbat