تیرے بھائی کو چاہا اب تیری کرتا ہوں پا بوسی

تیرے بھائی کو چاہا اب تیری کرتا ہوں پا بوسی

مجھے سرتاج کر رکھ جان میں عاشق ہوں موروثی

رفو کر دے ہیں ایسا پیار جو عاشق ہیں یکسو سیں

پھڑا کر اور سیں شال اپنی کہتا ہے مجھے تو سی

ہوا مخفی مزا اب شاہدی سیں شہد کی ظاہر

مگر زنبور نے شیرینی ان ہونٹوں کی جا چوسی

کسے یہ تاب جو اس کی تجلی میں رہے ٹھہرا

رموز طور لاتی ہے سجن تیری کمر مو سی

سماتا نئیں ازار اپنے میں ابتر دیکھ رنگ اس کا

کرے کمخواب سو جانے کی یوں پاتے ہیں جاسوسی

برنگ شمع کیوں یعقوب کی آنکھیں نہیں روشن

زمانے میں سنا یوسف کا پیراہن تھا فانوسی

نہ چھوڑوں اس لب عرفاں کو ناجیؔ اور لٹا دوں سب

ملے گر مجھ کو ملک خسروی اور تاج کاؤسی

tere bhai ko chaha ab teri karta hun pa bosi

mujhe sartaj kar rakh jan mein ashiq hun maurusi

rafu kar de hain aisa pyar jo ashiq hain yakso sin

phara kar aur sin shal apni kahta hai mujhe to si

hawa makhfi maza ab shahidi sin shahd ki zahir

magar zambur ne shirini in honton ki ja chusi

kise ye tab jo us ki tajalli mein rahe thahra

rumuz-e-tur lati hai sajan teri kamar mu si

samita nain izar apne mein abtar dekh rang us ka

kare kamkhwab so jane ki yun pate hain jasusi

barang-e-shama kyun yaaqub ki ankhen nahin raushan

zamane mein suna yusuf ka pairahan tha fanusi

na chhorun us lab-e-irfan ko naji aur luta dun sab

mile gar mujh ko mulk-e-khusrawi aur taj-e-kaosi