تیری انکھیاں کے تصور میں سدا مستانہ ہوں

تیری انکھیاں کے تصور میں سدا مستانہ ہوں

دیکھ کر زنجیر تیرے زلف کی دیوانہ ہوں

گاہ سیر بوستاں کرتا ہوں گاہے سیر بزم

گاہ تیرے عشق میں بلبل ہوں گہہ پروانہ ہوں

گاہ مثل برہمن ہوں اے صنم زنار بند

ہات میں زاہد کے گاہے سبحۂ صد دانہ ہوں

کیا ہوا گر ہے دل صد چاک میرا تیرہ بخت

حسن کی زینت ہوں تیرے سرمہ ہوں گر شانہ ہوں

جب سوں ہے اس آشنا کی آشنائی کا خیال

نیں رہا ہوں آپ میں، میں آپ سوں بیگانہ ہوں

گوش رکھ میرا سخن سنتا ہے ہر اہل سخن

جب سوں میں بحر سخن کی سیپ کا دردانہ ہوں

ہے ازل سوں جلوہ پیرا دل میں حب مرتضیٰ

اس سبب داؤدؔ دائم دشمن بت خانہ ہوں

teri ankhiyan ke tasawwur mein sada mastana hun

dekh kar zanjir tere zulf ki diwana hun

gah sair-e-bostan karta hun gahe sair-e-bazm

gah tere ishq mein bulbul hun gah parwana hun

gah misl-e-barahman hun ai sanam zunnar band

hat mein zahid ke gahe subha-e-sad dana hun

kya hua gar hai dil-e-sad chak mera tira bakht

husn ki zinat hun tere surma hun gar shana hun

jab sun hai is ashna ki ashnai ka khayal

nain raha hun ap mein, main ap sun begana hun

gosh rakh mera sukhan sunta hai har ahl-e-sukhan

jab sun mein bahr-e-sukhan ki sip ka dardana hun

hai azal sun jalwa paira dil mein hub-e-murtaza

is sabab daud daim dushman-e-but khana hun