تیری رنگت بہار سے نکلی

تیری رنگت بہار سے نکلی

پھوٹ کر لالہ زار سے نکلی

دل جو دھویا تو تو نظر آیا

کیا ہی صورت غبار سے نکلی

چھیڑ کر آزما لیا ہم نے

تیری آواز تار سے نکلی

روح میری ترے تجسس میں

جسم نا پائیدار سے نکلی

مفت برباد ہے مری حسرت

کیوں دل بے قرار سے نکلی

بہر تعظیم حشر برپا ہے

کس کی میت مزار سے نکلی

teri rangat bahar se nikli

phut kar lala zar se nikli

dil jo dhoya to to nazar aya

kya hi surat ghubar se nikli

chher kar azma liya ham ne

teri awaz tar se nikli

ruh meri tire tajassus mein

jism na paidar se nikli

muft barbad hai miri hasrat

kyun dil-e-be qarar se nikli

bahr-e-taazim hashr barpa hai

kis ki mayyat mazar se nikli