تیری آنکھیں بڑی سی پیاری ہیں

تیری آنکھیں بڑی سی پیاری ہیں

ان کے پھر دیکھنے کی واری ہیں

گالیاں تیں جو دے گیا تھا مجھے

مجھ کو اب تک وہ یادگاری ہیں

آتش عشق میں جو جل نہ مریں

عشق کے فن میں وہ اناری ہیں

رات جاگا ہے پی شراب کہیں

تیری آنکھیں نپٹ خماری ہیں

تم سے کہتا ہے جان سچ تاباںؔ

جھوٹی باتیں سبھی تمہاری ہیں

teri ankhen bari si pyari hain

un ke phir dekhne ki wari hain

galiyan tin jo de gaya tha mujhe

mujh ko ab tak wo yadgari hain

atish-e-ishq mein jo jal na maren

ishq ke fan mein wo anari hain

rat jaga hai pi sharab kahin

teri ankhen nipat khumari hain

tum se kahta hai jan sach taban

jhuti baten sabhi tumhari hain