تیرا ستم جو مجھ سے گدا نے سہا سہا

تیرا ستم جو مجھ سے گدا نے سہا سہا

تو بادشہ ہے جو مجھے تو نے کہا کہا

دامن تیرے سے لگ لوں اگر دے رضا مجھے

یہ ناتواں غبار اگر یاں رہا رہا

رکھ آستیں شتاب مری چشم تر پہ جاں

ورنہ پھرے ہے سیل میں عالم بہا بہا

نکلے ہے لالہ خاک کے نیچے سے سرخ سرخ

رنگیں ہوا شہیدوں کے خوں میں نہا نہا

اب جی کے ڈر سے اس کو بیاںؔ تو نہ چھوڑیو

ہیں مرد وے کہ بانھ کو جس کی گہا گہا

tera sitam jo mujh se gada ne saha saha

tu badshah hai jo mujhe tu ne kaha kaha

daman tere se lag lun agar de raza mujhe

ye natawan ghubar agar yan raha raha

rakh astin shitab miri chashm-e-tar pe jan

warna phire hai sail mein alam baha baha

nikle hai lala khak ke niche se surkh surkh

rangin hua shahidon ke khun mein naha naha

ab ji ke dar se us ko bayan to na chhoriyo

hain mard we ke banh ko jis ki gaha gaha