تیرہ بختوں کو کرے ہے نالۂ غمگیں خراب

تیرہ بختوں کو کرے ہے نالۂ غمگیں خراب

جس طرح ہو جا صبا سے کاکل مشکیں خراب

جوں نسیم صبح غنچے گل کے سب برباد دے

سرد مہری سے بتوں کی ہیں دل رنگیں خراب

بے دماغی مت کر اے ظالم کہ جوں موج اور حباب

دل مرا کر دے ہے پل میں ابروئے پر چیں خراب

جوں جلے ہے شمع کا مشت زر اور تسبیح اشک

جس طرح سرکش کا ہے دنیا خراب اور دیں خراب

تھا بنا عزلتؔ وہ جب فولاد دل پرویز سے

تب تو تیشے نے کیا یوں خانۂ شیریں خراب

tira bakhton ko kare hai nala-e-ghamgin kharab

jis tarah ho ja saba se kakul-e-mushkin kharab

jun nasim-e-subh ghunche gul ke sab barbad de

sard mehri se buton ki hain dil-e-rangin kharab

be dimaghi mat kar ai zalim ke jun mauj aur habab

dil mira kar de hai pal mein abrue par chin kharab

jun jale hai shama ka musht-e-zar aur tasbih-e-ashk

jis tarah sarkash ka hai duniya kharab aur den kharab

tha bana uzlat wo jab faulad dil parwez se

tab to teshe ne kiya yun khana-e-shirin kharab