تیری گلی میں میں نہ چلوں اور صبا چلے

تیری گلی میں میں نہ چلوں اور صبا چلے

یوں ہی خدا جو چاہے تو بندے کی کیا چلے

کس کی یہ موج حسن ہوئی جلوہ گر کہ یوں

دریا میں جو حباب تھے آنکھیں چھپا چلے

ہم بھی جرس کی طرح تو اس قافلے کے ساتھ

نالے جو کچھ بساط میں تھے سو سنا چلے

کہہ بیٹھیو نہ دردؔ کہ اہل وفا ہوں میں

اس بے وفا کے آگے جو ذکر وفا چلے

teri gali mein main na chalun aur saba chale

yun hi khuda jo chahe to bande ki kya chale

kis ki ye mauj-e-husn hui jalwa gar ke yun

dariya mein jo habab the ankhen chhupa chale

ham bhi jaras ki tarah to is qafile ke sath

nale jo kuchh bisat mein the so suna chale

kah baithiyo na dard ke ahl-e-wafa hun main

us be wafa ke age jo zikr-e-wafa chale