تو باتوں میں بگڑ جاتا ہے مجھ سے

تو باتوں میں بگڑ جاتا ہے مجھ سے

پرائی پچ پہ لڑ جاتا ہے مجھ سے

یہ کیا کج کاویاں اور ٹیڑھیاں ہیں

کہ تپ تپ کو جھگڑ جاتا ہے مجھ سے

ہمیشہ ماش کا آٹا سا کیوں تو

ذری بھر میں اکڑ جاتا ہے مجھ سے

برا ہے عشق کا آزار یارو

یہ اکثر وقت اڑ جاتا ہے مجھ سے

طبابت میں مسیحا ہوں ولیکن

مرض یہ تو چپڑ جاتا ہے مجھ سے

ہے جانی تجھ میں سب خوبی پہ جاں سا

تو اک دم میں بچھڑ جاتا ہے مجھ سے

ہے دشمن من چلا پر اظفریؔ دیکھ

نظر پڑتے سنکڑ جاتا ہے مجھ سے

tu baton mein bigar jata hai mujh se

parai pich pe lar jata hai mujh se

ye kya kaj kawiyan aur terhiyan hain

ke tap tap ko jhagar jata hai mujh se

hamesha mash ka ata sa kyun to

zari bhar mein akkar jata hai mujh se

bura hai ishq ka azar yaro

ye aksar waqt ur jata hai mujh se

tibabat mein masiha hun walekin

maraz ye to chapar jata hai mujh se

hai jani tujh mein sab khubi pe jan sa

to ik dam mein bichhar jata hai mujh se

hai dushman man chala par azfari dekh

nazar parte sankar jata hai mujh se