تو عاشقوں کے تئیں جب سے قتل ناز کیا

تو عاشقوں کے تئیں جب سے قتل ناز کیا

خوشی ہیں منت جاں سے تو بے نیاز کیا

کہاں کی عقل کدھر کے حواس کیسا ہوش

خرد کے قصر پہ تو نے تو ترک ناز کیا

ہمارے کلبۂ احزاں میں کر قدم رنجہ

نہال ہم کو تو اے سرو سرفراز کیا

کیا تھا تیغۂ ابرو نے مختصر قصہ

پہ تیری کاکل مشکیں نے پھر دراز کیا

دل اور لاؤں کہاں سے لگے جو اوروں سے

جو ایک دل تھا سو وہ تو تری نیاز کیا

یہ طفل اشک مرا اظفریؔ ہے ناشدنی

جوانا مرگ مری اس نے فاش راز کیا

tu ashiqon ke tain jab se qatl-e-naz kiya

khushi hain minnat jan se to be niyaz kiya

kahan ki aql kidhar ke hawas kaisa hosh

khirad ke qasr pe tu ne to tark-e-naz kiya

hamare kulba-e-ahzan mein kar qadam ranjhu

nihal ham ko to ai sarw sarfaraz kiya

kya tha tegha-e-abru ne mukhtasar qissa

pe teri kakul-e-mushkin ne phir daraz kiya

dil aur laun kahan se lage jo auron se

jo ek dil tha so wo to tiri niyaz kiya

ye tifl-e-ashk mira azfari hai nashudni

jiwana marg miri us ne fash raz kiya