تو کیوں پاس سے اٹھ چلا بیٹھے بیٹھے

تو کیوں پاس سے اٹھ چلا بیٹھے بیٹھے

ہوا تجھ کو کیا بے وفا بیٹھے بیٹھے

وہ آتے ہی آتے رہے پر قلق سے

مرا کام ہی ہو گیا بیٹھے بیٹھے

اٹھاتے ہو کیوں اپنی محفل سے مجھ کو

لیا میں نے کیا آپ کا بیٹھے بیٹھے

کرے سعی کچھ اٹھ کے اس کو سے اے دل

یہ حاصل ہوا مدعا بیٹھے بیٹھے

وو اس لطف سے گالیاں دے گئے ہیں

کیا کرتے ہیں ہم دعا بیٹھے بیٹھے

ذرا گھر سے باہر نکل مان کہنا

نہ ہوگا کوئی مبتلا بیٹھے بیٹھے

نہ اٹھا گیا دل کے ہاتھوں سے تسکیںؔ

کہا اس نے جو سب سنا بیٹھے بیٹھے

to kyun pas se uth chala baithe baithe

hawa tujh ko kya be wafa baithe baithe

wo ate hi ate rahe par qalaq se

mira kam hi ho gaya baithe baithe

uthate ho kyun apni mahfil se mujh ko

liya main ne kya ap ka baithe baithe

kare sai kuchh uth ke us ko se ai dil

ye hasil hua muddaa baithe baithe

wo is lutf se galiyan de gae hain

kiya karte hain ham dua baithe baithe

zara ghar se bahar nikal man kahna

na hoga koi mubtala baithe baithe

na utha gaya dil ke hathon se taskin

kaha us ne jo sab suna baithe baithe