ایسی کیا تھیں عتاب کی باتیں

ایسی کیا تھیں عتاب کی باتیں

میں تو کہتا تھا خواب کی باتیں

کچھ غضب ہو رہی ہیں عارض سے

زلف پر پیچ و تاب کی باتیں

بے حجابی میں کیا غضب ہوگا

جب یہ کچھ ہیں حجاب کی باتیں

سر مرا اور نشان پائے عدو

دیکھنا اضطراب کی باتیں

ایک حضرت ہیں آپ بھی مائلؔ

سن چکا ہوں جناب کی باتیں

aisi kya thin itab ki baten

main to kahta tha khwab ki baten

kuchh ghazab ho rahi hain ariz se

zulf pur pech-o-tab ki baten

be hijabi mein kya ghazab hoga

jab ye kuchh hain hijab ki baten

sar mira aur nishan pae adu

dekhna iztirab ki baten

ek hazrat hain ap bhi mail

sun chuka hun janab ki baten