تو ایک نام ہے مگر صدائے خواب کی طرح

تو ایک نام ہے مگر صدائے خواب کی طرح

میں ایک حرف ہوں مگر نشان آب کی طرح

مجھے سمجھ کہ میں ہی اصل راز کائنات ہوں

دھرا ہوں تیرے سامنے کھلی کتاب کی طرح

میں کوئی گیت ہوں مگر صدا کی بندشوں میں ہوں

مرے لہو میں راگ ہے سم عذاب کی طرح

مری پناہ گاہ تھی انہی خلاؤں میں کہیں

میں سطح آب پر رہا حباب آب کی طرح

میں اصغرؔ حزیں کبھی کسی کے دوستوں میں تھا

وہ دن بھی مجھ کو یاد ہیں خیال خواب کی طرح

to ek nam hai magar sada-e-khwab ki tarah

main ek harf hun magar nishan ab ki tarah

mujhe samajh ke main hi asl-e-raz-e-kainat hun

dhara hun tere samne khuli kitab ki tarah

main koi git hun magar sada ki bandishon mein hun

mire lahu mein rag hai sam-e-azab ki tarah

miri panah gah thi unhi khalaon mein kahin

main sath-e-ab par raha habab-e-ab ki tarah

main asghar-e-hazin kabhi kisi ke doston mein tha

wo din bhi mujh ko yad hain khayal khwab ki tarah