تو نے مہجور کر دیا ہم کو

تو نے مہجور کر دیا ہم کو

سخت رنجور کر دیا ہم کو

اپنی برق نگاہ سے تم نے

شجر طور کر دیا ہم کو

دل بنا عاشقی میں خود مختار

اور مجبور کر دیا ہم کو

ایسی تعریف کی کہ اے واعظ

عاشق حور کر دیا ہم کو

غم نہیں محتسب جو توڑ کے خم

نشہ نے چور کر دیا ہم کو

جس قدر ہم سے تم ہوئے نزدیک

اس قدر دور کر دیا ہم کو

کبھی بار غم فراق اتار

تو نے مزدور کر دیا ہم کو

ہو گیا مے سے نشۂ عرفان

نار نے نور کر دیا ہم کو

تھے تو مقہور ہونے کے لائق

بارے مغفور کر دیا ہم کو

tu ne mahjur kar diya ham ko

sakht ranjur kar diya ham ko

apni barq-e-nigah se tum ne

shajar-e-tur kar diya ham ko

dil bana ashiqi mein khud mukhtar

aur majbur kar diya ham ko

aisi taarif ki ke ai waiz

ashiq-e-hur kar diya ham ko

gham nahin mohtasib jo tor ke kham

nasha ne chur kar diya ham ko

jis qadar ham se tum hue nazdik

is qadar dur kar diya ham ko

kabhi bar-e-gham-e-firaq utar

tu ne mazdur kar diya ham ko

ho gaya mai se nasha-e-irfan

nar ne nur kar diya ham ko

the to maqhor hone ke laiq

bare maghfur kar diya ham ko