تمہاری یاد میں دنیا کو ہوں بھلائے ہوئے

تمہاری یاد میں دنیا کو ہوں بھلائے ہوئے

تمہارے درد کو سینے سے ہوں لگائے ہوئے

عجیب سوز سے لبریز ہیں مرے نغمے

کہ ساز دل ہے محبت کی چوٹ کھائے ہوئے

جو تجھ سے کچھ بھی نہ ملنے پہ خوش ہیں اے ساقی

کچھ ایسے رند بھی ہیں مے کدے میں آئے ہوئے

تمہارے ایک تبسم نے دل کو لوٹ لیا

رہے لبوں پہ ہی شکوے لبوں پہ آئے ہوئے

اثرؔ بھی راہرو دشت زندگانی ہے

پہاڑ غم کا دل زار پر اٹھائے ہوئے

tumhari yad mein duniya ko hun bhulae hue

tumhare dard ko sine se hun lagae hue

ajib soz se labrez hain mire naghme

ke saz-e-dil hai mohabbat ki chot khae hue

jo tujh se kuchh bhi na milne pe khush hain ai saqi

kuchh aise rind bhi hain mai kade mein ae hue

tumhare ek tabassum ne dil ko laut liya

rahe labon pe hi shikwe labon pe ae hue

asar bhi rahrau dasht-e-zindagani hai

pahar gham ka dil-e-zar par uthae hue