تمنا ہے یہ آنکھوں کی ترا دیدار آ دیکھیں

تمنا ہے یہ آنکھوں کی ترا دیدار آ دیکھیں

کبھی روضہ ترا یا احمد مختار آ دیکھیں

شفا ہو جائے دم میں کشتۂ ہجر محمد کو

اگر وہ خواب میں بھی حالت بیمار آ دیکھیں

یہ دل تھا ان کا مسکن مت اجاڑ اس کو غم ہجراں

غضب آ جائے گا گر شاہ دیں مسمار آ دیکھیں

نہ کچھ مرنے کا غم ہو اور نہ کچھ شکوہ ہو فرقت کا

اگر حالت مری وہ سید ابرار آ دیکھیں

جو مداح نبی پر طعنہ زن ممتاز ہوتے ہیں

دکھائیں شعر اپنے اور مرے اشعار آ دیکھیں

tamanna hai ye ankhon ki tira didar a dekhen

kabhi rauza tira ya ahmad-e-mukhtar a dekhen

shifa ho jae dam mein kushta-e-hijr-e-mohammad ko

agar wo khwab mein bhi halat-e-bimar a dekhen

ye dil tha un ka maskan mat ujar us ko gham-e-hijran

ghazab a jaega gar shah den mismar a dekhen

na kuchh marne ka gham ho aur na kuchh shikwa ho furqat ka

agar halat miri wo sayyad-e-abrar a dekhen

jo maddah-e-nabi par taana zan mumtaz hote hain

dikhaen sher apne aur mire ashar a dekhen