تنگیٔ دہن سے ہے اڑی بات

تنگیٔ دہن سے ہے اڑی بات

چھوٹا سا ہے منہ ترا بڑی بات

کیا چرب زباں وہ شعلہ رو ہے

لب تک آ کر پھسل پڑی بات

مطلب پر اگر زبان دو تم

ہو منہ سے ابھی نکل کھڑی بات

دل شیشۂ ساعت اپنا بن جائے

ساقی نہ کرے جو دو گھڑی بات

ہیں پیٹ کی ہلکی وہ صدف ساں

موتی کی طرح نکل پڑی بات

tangi-e-dahan se hai uri bat

chhota sa hai munh tira bari bat

kya charb zaban wo shola ro hai

lab tak a kar phisal pari bat

matlab par agar zaban-e-do tum

ho munh se abhi nikal khari bat

dil shisha-e-saat apna ban jae

saqi na kare jo do ghari bat

hain pet ki halki wo sadaf san

moti ki tarah nikal pari bat