تمہارے ہجر میں رہتا ہے ہم کو غم میاں صاحب

تمہارے ہجر میں رہتا ہے ہم کو غم میاں صاحب

خدا جانے جئیں گے یا مریں گے ہم میاں صاحب

اگر بوسہ نہ دینا تھا کہا ہوتا نہیں دیتا

تم اتنی بات سے ہوتے ہو کیا برہم میاں صاحب

خطا کچھ ہم نے کی یا غیر ہے شاید تمہیں مانع

سبب کیا ہے کہ تم آتے ہو اب کچھ کم میاں صاحب

اگر تو شہرۂ آفاق ہے تو تیرے بندوں میں

ہمیں بھی جانتا ہے خوب اک عالم میاں صاحب

تمہارے عشق سے تاباںؔ ہوا ہے شہر میں رسوا

تم اس کے حال سے اب تک نہیں محرم میاں صاحب

tumhare hijr mein rahta hai ham ko gham miyan sahab

khuda jane jiyen ge ya marenge ham miyan sahab

agar bosa na dena tha kaha hota nahin deta

tum itni bat se hote ho kya barham miyan sahab

khata kuchh ham ne ki ya ghair hai shayad tumhen mane

sabab kya hai ke tum ate ho ab kuchh kam miyan sahab

agar to shohra-e-afaq hai to tere bandon mein

hamen bhi janta hai khub ik alam miyan sahab

tumhare ishq se taban hua hai shahr mein ruswa

tum us ke hal se ab tak nahin mahram miyan sahab