تم نے دیوانہ کیا اچھا ہوا
اختر علی اخترتم نے دیوانہ کیا اچھا ہوا
ہر جگہ میرا جنوں رسوا ہوا
اب تو دیوانوں کے دل کی ہو گئی
موسم گل میں چمن صحرا ہوا
جو بھی آیا حسن پنہاں دیکھ کر
کوئی اندھا تو کوئی بہرا ہوا
دیکھ لو اس میں مری تصویر ہے
اشک غم پلکوں پہ ہے ٹھہرا ہوا
فتح کیسے پائیں گے کفار پر
قوم کا شیرازہ ہے بکھرا ہوا
تھا جو اخترؔ زہر سا تیر نظر
دن بہ دن زخم جگر گہرا ہوا
tum ne diwana kiya achchha hua
har jagah mera junun ruswa hua
ab to diwanon ke dil ki ho gai
mausam-e-gul mein chaman sahra hua
jo bhi aya husn pinhan dekh kar
koi andha to koi bahra hua
dekh lo is mein miri taswir hai
ashk-e-gham palkon pe hai thahra hua
fath kaise paenge kuffar par
qaum ka shiraza hai bikhra hua
tha jo akhtar zahr sa tir-e-nazar
din ba din zakhm-e-jigar gahra hua