تم پہ میں مر رہا ہوں مرنے دو
سید امیر حسن بدرتم پہ میں مر رہا ہوں مرنے دو
کام کرنے کا ہے یہ کرنے دو
ان کو اے ہم نشیں سنورنے دو
کوئی مرتا جو ہے تو مرنے دو
ناروا ظلم ان کو کرنے دو
خون ناحق میں ہاتھ بھرنے دو
باندھی تلوار کھل پڑا جوڑا
کھائے لچکے تری کمر نے دو
خون بولے گا سر پہ چڑھ کے وہاں
قتل کر کے یہاں مکرنے دو
چھینٹے کوثر کے واعظو دینا
ابھی شیشہ میں تو اترنے دو
بزم برخاست مے کشو نہ کرو
مرا جام سفال بھرنے دو
دیکھنا ٹھنڈی گرمیاں ان کی
ان کو حمام میں نکھرنے دو
چپ ہوئی کیوں زبان کیوں روکی
پھول جھڑنے دو گل کترنے دو
خود پریشان رو سیہ ہوگی
کان بھرتی ہے زلف بھرنے دو
جوش پر سیل اشک ہے ٹھیرو
ہیں چڑھیں ندیاں اترنے دو
فکر کیوں ہے نمک فشانی کی
زخم آ لے ابھی ہیں بھرنے دو
محو شکر جفا رہو تم بدرؔ
ظلم کرتے ہیں وہ تو کرنے دو
tum pe main mar raha hun marne do
kam karne ka hai ye karne do
un ko ai ham nashin sanwarne do
koi marta jo hai to marne do
narawa zulm un ko karne do
khun-e-nahaq mein hath bharne do
bandhi talwar khul para jora
khae lachke tiri kamar ne do
khun bolega sar pe charh ke wahan
qatl kar ke yahan mukarne do
chhinte kausar ke waizo dena
abhi shisha mein to utarne do
bazm-e-barkhast mai kasho na karo
mira jam-e-sifal bharne do
dekhna thandi garmiyan un ki
un ko hammam mein nikharne do
chup hui kyun zaban kyun roki
phul jharne do gul katarne do
khud pareshan ro siyah hogi
kan bharti hai zulf bharne do
josh par sail ashk hai thairo
hain charhen nadiyan utarne do
fikr kyun hai namak fishani ki
zakhm a le abhi hain bharne do
mahw-e-shukr-e-jafa raho tum badr
zulm karte hain wo to karne do