تم نے پوچھا نہیں کبھی ہم کو

تم نے پوچھا نہیں کبھی ہم کو

تم سے امید یہ نہ تھی ہم کو

روتے دیکھا مجھے تو فرمایا

آ نہ جائے کہیں ہنسی ہم کو

جس نظر سے کہ چاہتے تھے ہم

تم نے دیکھا نہیں کبھی ہم کو

ہائے کہنا کسی کا جاتے ہوئے

کیجئے رخصت ہنسی خوشی ہم کو

او جوانوں کی جان ہم سے حجاب

یاد ہے تیری کم سنی ہم کو

ہائے کیا بھولے پن سے کہتے ہیں

گھورتی کیوں ہے آرسی ہم کو

مدتوں میں حضور یار شرفؔ

آج لائی ہے بے خودی ہم کو

tum ne puchha nahin kabhi ham ko

tum se ummid ye na thi ham ko

rote dekha mujhe to farmaya

a na jae kahin hansi ham ko

jis nazar se ke chahte the ham

tum ne dekha nahin kabhi ham ko

hae kahna kisi ka jate hue

kijiye rukhsat hansi khushi ham ko

o jawanon ki jan ham se hijab

yad hai teri kam suni ham ko

hae kya bhule pan se kahte hain

ghoratti kyun hai arsi ham ko

muddaton mein huzur-e-yar sharaf

aj lai hai be khudi ham ko