تماشا ہے کہ سب آزاد قومیں

تماشا ہے کہ سب آزاد قومیں

بہی جاتی ہیں آزادی کی رو میں

وہ گرد کارواں بن کے چلے ہیں

ستارے تھے رواں جن کے جلو میں

سفر کیسا فقط آوارگی ہے

نہیں منزل نگاہ راہرو میں

ہے سوز دل ہی راز زندگانی

حیات شمع ہے صرف اس کی لو میں

بہت تھے ہم زباں لیکن جو دیکھا

نہ نکلا ایک بھی ہمدرد سو میں

اسدؔ ساقی کی ہے دوہری عنایت

شراب کہنہ ڈالی جام نو میں

tamasha hai ke sab azad qaumen

bahi jati hain azadi ki rau mein

wo gard-e-karwan ban ke chale hain

sitare the rawan jin ke jilau mein

safar kaisa faqat awargi hai

nahin manzil nigah-e-rahrau mein

hai soz-e-dil hi raz-e-zindagani

hayat-e-shama hai sirf us ki lau mein

bahut the ham zaban lekin jo dekha

na nikla ek bhi hamdard so main

asad saqi ki hai dohri inayat

sharab-e-kohna dali jam-e-nau mein