تم کو اگر ہماری محبت نہیں رہی

تم کو اگر ہماری محبت نہیں رہی

ہم کو بھی اب عدو سے عداوت نہیں رہی

ہر اک ادا پہ مرنے کی عادت نہیں رہی

وہ دل نہیں رہا وہ طبیعت نہیں رہی

مضمون مدعا ابھی دل میں ہی تھا مرے

کہتے ہیں اب تو تاب سماعت نہیں رہی

واں ہے وہی وفور عتاب و جفا و قہر

یاں ناز بھی اٹھانے کی طاقت نہیں رہی

بے شک نقاب رخ سے اٹھایا کسی نے آج

ظلمت کدہ میں میرے جو ظلمت نہیں رہی

مشتاقؔ تیرے عشق کی ہے دھوم آج کل

اب قیس و کوہ کن کی وہ شہرت نہیں رہی

tum ko agar hamari mohabbat nahin rahi

ham ko bhi ab adu se adawat nahin rahi

har ik ada pe marne ki adat nahin rahi

wo dil nahin raha wo tabiat nahin rahi

mazmun muddaa abhi dil mein hi tha mire

kahte hain ab to tab samaat nahin rahi

wan hai wahi wafur-e-itab-o-jafa-o-qahr

yan naz bhi uthane ki taqat nahin rahi

be shak naqab-e-rukh se uthaya kisi ne aj

zulmat kada mein mere jo zulmat nahin rahi

mushtaq tere ishq ki hai dhum aj kal

ab qais-o-koh kin ki wo shohrat nahin rahi