تم کھل رہے تھے غیر سے چھاؤں تلے کھڑے

تم کھل رہے تھے غیر سے چھاؤں تلے کھڑے

ہم دست رشک دھوپ میں اپنے ملے کھڑے

ہم دیکھ تم کو دوڑے کہ مل لیں گلے کھڑے

تم بھول ہم کو رہ گئے جانی بھلے کھڑے

بیٹھو جی مل کے مہندی دکھاؤ اٹھا نہ ہاتھ

ہاتھوں سے ہم تمہارے بہت ہیں جلے کھڑے

ہے ہر نفس کے ساتھ ہوائی و پھلجھڑی

یہ نخل آہ زور ہیں پھولے پھلے کھڑے

ہے ہم پہ تہمت مرض عشق اظفریؔ

ہم تم ہیں دیکھو ٹھنی سے چنگے بھلے کھڑے

tum khul rahe the ghair se chhaon tale khare

ham dast rashk dhup main apne mile khare

ham dekh tum ko daure ke mil len gale khare

tum bhul ham ko rah gae jani bhale khare

baitho ji mil ke mehndi dikhao utha na hath

hathon se ham tumhare bahut hain jale khare

hai har nafas ke sath hawai-o-phuljhari

ye nakhl ah zor hain phule phale khare

hai ham pe tohmat-e-maraz-e-ishq azfari

ham tum hain dekho thani se change bhale khare