تم منہ لگا کے غیروں کو مغرور مت کرو

تم منہ لگا کے غیروں کو مغرور مت کرو

لگ چلنا ایسے دیسوں سے دستور مت کرو

ٹسوے بہا کے ہر گھڑی زاری نہیں ہے خوب

یہ راز عشق ہے اسے مشہور مت کرو

ہر چند دل دکھانا کسی کا برا ہے پر

رنجیدہ خاطروں کو تو رنجور مت کرو

اے ہمدمو جو مجھ سے ہے منظور اختلاط

جز ذکر یار تم کوئی مذکور مت کرو

روشن رکھو جہان میں مولا مثال مہر

چندہ کے منہ سے نور کو تم دور مت کرو

tum munh laga ke ghairon ko maghrur mat karo

lag chalna aise deson se dastur mat karo

taswe baha ke har ghari zari nahin hai khub

ye raz-e-ishq hai use mashhur mat karo

har chand dil dikhana kisi ka bura hai par

ranjida khatiron ko to ranjur mat karo

ai hamdamo jo mujh se hai manzur ikhtilat

juz zikr-e-yar tum koi mazkur mat karo

raushan rakho jahan mein maula misal-e-mehr

chanda ke munh se nur ko tum dur mat karo