تم خوب اڑاتے رہو خاکہ مرے دل کا

تم خوب اڑاتے رہو خاکہ مرے دل کا

پیدا نہیں دشمن کوئی تم سا مرے دل کا

پھرتی ہے نظر میں کسی گیسو کی درازی

بڑھتا ہی چلا جائے گا سودا مرے دل کا

الٹی ہے نہ الٹیں گے نقاب رخ روشن

مانا ہے نہ مانیں گے وہ کہنا مرے دل کا

مائلؔ ترے اشعار سنوں بزم میں کیوں کر

یہ راز کئے دیتے ہیں افشا میرے دل کا

tum khub urate raho khaka mire dil ka

paida nahin dushman koi tum sa mire dil ka

phirti hai nazar mein kisi gesu ki darazi

barhta hi chala jaega sauda mire dil ka

ulti hai na ultenge naqab-e-rukh-e-raushan

mana hai na manenge wo kahna mire dil ka

mail tire ashar sunun bazm mein kyun kar

ye raz kiye dete hain ifsha mere dil ka