تم لے کے اپنے ہاتھ میں خنجر نہ دیکھنا

تم لے کے اپنے ہاتھ میں خنجر نہ دیکھنا

اور دیکھنا تو تن پہ مرے سر نہ دیکھنا

دشمن بھی میرے ساتھ ہی آتا ہے بزم میں

تم کو قسم ہے آنکھ اٹھا کر نہ دیکھنا

گر دیکھتے نہیں ہو ندامت سے جور کی

تم اب تو دیکھ لو دم محشر نہ دیکھنا

دل پر رہے گی نقش یہ بے مہریاں تری

جانا اور اس طرح سے کہ مڑ کر نہ دیکھنا

مائلؔ جو توبہ کرتے ہو کیسا ہی ابر ہو

پھر آنکھ اٹھا کے شیشہ و ساغر نہ دیکھنا

tum le ke apne hath mein khanjar na dekhna

aur dekhna to tan pe mire sar na dekhna

dushman bhi mere sath hi ata hai bazm mein

tum ko qasam hai ankh utha kar na dekhna

gar dekhte nahin ho nadamat se jaur ki

tum ab to dekh lo dam-e-mahshar na dekhna

dil par rahegi naqsh ye be mahriyan tiri

jana aur is tarah se ke mur kar na dekhna

mail jo tauba karte ho kaisa hi abr ho

phir ankh utha ke shisha-o-saghar na dekhna