تم وفا کا عوض جفا سمجھے
گویا فقیر محمدتم وفا کا عوض جفا سمجھے
اے بتو تم سے بس خدا سمجھے
پان کھا کر جو آئے مقتل میں
کیا شہیدوں کا خون بہا سمجھے
سر قلم کرنے کا تھا خط میں جو حال
اس کا مضمون ہم جدا سمجھے
کب وہ تلووں سے آنکھیں ملنے دے
جو کہ مژگاں کو خار پا سمجھے
ہو گیا جب قلم ہمارا سر
اپنی قسمت کا تب لکھا سمجھے
دوڑے کیا ہو کے خوش سوئے مقتل
اس کے ہم گھر کا راستہ سمجھے
کسی صورت سے ہم کو آنے دے
کاش دروازے کا گدا سمجھے
یاد دنداں میں جو بہا آنسو
اس کو ہم در بے بہا سمجھے
چاندنی پر وہ پھر رکھے نہ قدم
ہم فقیروں کا بوریا سمجھے
تیری ابرو کو جو ہلال کہا
ماہ نو سے بھی کچھ سوا سمجھے
مروں تو وہ جواب نامہ لکھے
خط نہ آنے کا مدعا سمجھے
ہاتھ اٹھا کر لگا جو کوسنے وہ
واہ رے ہم اسے دعا سمجھے
جو ہے بیگانہ آشنا ہے وہ
ہم جو کہتے ہیں کوئی کیا سمجھے
ہم کو نظروں سے پیستی ہیں آپ
چشم بد دور توتیا سمجھے
جب سے اوس کوچے میں قدم رکھا
کیمیا کو بھی خاک پا سمجھے
تجھ کو او نوجواں کہا بے مثل
آج معنی لا فتا سمجھے
ہم نے جب دیکھی چاندنی چھٹکی
تیری اتری ہوئی قبا سمجھے
کاسۂ ماہ جب سے دیکھ لیا
تب سے گردوں کو ہم گدا سمجھے
اپنے فہمید پوچھ مت گویاؔ
کچھ نہ سمجھے یہ بارہا سمجھے
tum wafa ka ewaz jafa samjhe
ai buto tum se bas khuda samjhe
pan kha kar jo ae maqtal mein
kya shahidon ka khun baha samjhe
sar qalam karne ka tha khat mein jo hal
us ka mazmun ham juda samjhe
kab wo talwon se ankhen milne de
jo ke mizhgan ko khar-e-pa samjhe
ho gaya jab qalam hamara sar
apni qismat ka tab likha samjhe
daure kya ho ke khush su-e-maqtal
us ke ham ghar ka rasta samjhe
kisi surat se ham ko ane de
kash darwaze ka gada samjhe
yad dandan mein jo baha ansu
us ko ham dar-e-be baha samjhe
chandni par wo phir rakhe na qadam
ham faqiron ka boriya samjhe
teri abru ko jo hilal kaha
mah-e-nau se bhi kuchh siwa samjhe
marun to wo jawab-e-nama likhe
khat na ane ka muddaa samjhe
hath utha kar laga jo kosne wo
wah re ham use dua samjhe
jo hai begana ashna hai wo
ham jo kahte hain koi kya samjhe
ham ko nazron se pisti hain ap
chashm-e-bad dur tutiya samjhe
jab se os kuche mein qadam rakha
kimiya ko bhi khak-e-pa samjhe
tujh ko o naujawan kaha be misl
aj maani-e-la fata samjhe
ham ne jab dekhi chandni chhitki
teri utri hui qaba samjhe
kasa-e-mah jab se dekh liya
tab se gardun ko ham gada samjhe
apne fahmyad puchh mat goya
kuchh na samjhe ye barha samjhe