تصور سے کسی کے میں نے کی ہے گفتگو برسوں

تصور سے کسی کے میں نے کی ہے گفتگو برسوں

رہی ہے ایک تصویر خیالی روبرو برسوں

ہوا مہمان آ کر رات بھر وہ شمع رو برسوں

رہا روشن مرے گھر کا چراغ آرزو برسوں

برابر جان کے رکھا ہے اس کو مرتے مرتے تک

ہماری قبر پر رویا کرے گی آرزو برسوں

چمن میں جا کے بھولے سے میں خستہ دل کراہا تھا

کیا کی گل سے بلبل شکوۂ درد گلو برسوں

اگر میں خاک بھی ہوں گا تو آتشؔ گرد باد آسا

رکھے گی مجھ کو سرگشتہ کسی کی جستجو برسوں

tasawwur se kisi ke main ne ki hai guftugu barson

rahi hai ek taswir-e-khayali rubaru barson

hawa mehman a kar rat bhar wo shama ro barson

raha raushan mire ghar ka charagh-e-arzu barson

barabar jan ke rakha hai us ko marte marte tak

hamari qabr par roya karegi arzu barson

chaman mein ja ke bhule se main khasta dil kiraha tha

kiya ki gul se bulbul shikwa-e-dard-e-galo barson

agar main khak bhi hunga to atish gard-e-bad asa

rakhegi mujh ko sargashta-e-kisi ki justuju barson