ترے مژگاں کی فوجیں باندھ کر صف جب ہوئیں کھڑیاں

ترے مژگاں کی فوجیں باندھ کر صف جب ہوئیں کھڑیاں

کیا عالم کو سارے قتل لو تھیں ہر طرف پڑیاں

دم اپنے کا شمار اس طرح تیرے غم میں کرتا ہوں

کہ جیسے شیشۂ ساعت میں گنتا ہے کوئی گھڑیاں

ہمیں کو خانۂ زنجیر سے الفت ہے زنداں میں

وگرنہ ایک جھٹکے میں جدا ہو جائیں سب کڑیاں

تجھے دیکھا ہے جب سے بلبل و گل نے گلستاں میں

پڑی ہیں رشتۂ الفت میں ان کے تب سے گل چھڑیاں

فغاں آتا نہیں وہ شوخ میرے ہاتھ اے تاباںؔ

لکیریں انگلیوں کی مٹ گئیں گنتے ہوے گھڑیاں

tire mizhgan ki faujen bandh kar saf jab huin khariyan

kiya alam ko sare qatl lo thin har taraf pariyan

dam apne ka shumar is tarah tere gham mein karta hun

ke jaise shisha-e-saat mein ginta hai koi ghariyan

hamen ko khana-e-zanjir se ulfat hai zindan mein

wagarna ek jhatke mein juda ho jaen sab kariyan

tujhe dekha hai jab se bulbul-o-gul ne gulistan mein

pari hain rishta-e-ulfat mein un ke tab se gul chhariyan

fughan ata nahin wo shokh mere hath ai taban

lakiren ungliyon ki mit gain ginte hue ghariyan