ترے لب بن ہے دل میں شعلہ زن مل جس کو کہتے ہیں

ترے لب بن ہے دل میں شعلہ زن مل جس کو کہتے ہیں

نشے کی موت کی ہچکی ہے قلقل جس کو کہتے ہیں

جو پوچھے اتحاد حسن و عشق اس کو نظر آوے

کہ نکلا بیضۂ غنچہ سے بلبل جس کو کہتے ہیں

اے مالی خارج آہنگی نہ کر ساز محبت میں

دل بلبل ہے ٹوٹا خوں ہوا گل جس کو کہتے ہیں

گزرنے کا سبب ہے زندگی کے آب سے پیری

قدم خم ہے محیط عمر کا پل جس کو کہتے ہیں

بجا ہوتے ہیں عزلتؔ دل کباب ان عشق بازوں کے

دھواں ہے حسن کی آتش کا کاکل جس کو کہتے ہیں

tire lab ban hai dil mein shola zan mil jis ko kahte hain

nashe ki maut ki hichki hai qulqul jis ko kahte hain

jo puchhe ittihad-e-husn-o-ishq us ko nazar awe

ke nikla baiza-e-ghuncha se bulbul jis ko kahte hain

ai mali kharij ahangi na kar saz-e-mohabbat mein

dil-e-bulbul hai tuta khun hua gul jis ko kahte hain

guzarne ka sabab hai zindagi ke ab se piri

qadam kham hai muhit-e-umr ka pal jis ko kahte hain

baja hote hain uzlat dil-e-kabab un ishq bazon ke

dhuan hai husn ki atish ka kakul jis ko kahte hain