ترے ہے زلف و رخ کی دید صبح و شام عاشق کا

ترے ہے زلف و رخ کی دید صبح و شام عاشق کا

یہی ہے کفر عاشق کا یہی اسلام عاشق کا

پیا پے قدح لبریز دے اے ساقی مستاں

تہی تجھ دور میں افسوس رہوے جام عاشق کا

ہر اک یاں منزل مقصود کو پہنچے ہے تجھ سے ہی

مگر اک خلق میں فرقہ ہے سو ناکام عاشق کا

کبھی معشوق کو مرتے نہ دیکھا در پہ عاشق کے

یہی باقی ہے سر معشوق کے الزام عاشق کا

ہوا ہے خط نصیرؔ آغاز اس مہ رو کے چہرے پر

دو چند اب یہ نظر آتا ہے کچھ انجام عاشق کا

tire hai zulf-o-rukh ki did subh-o-sham ashiq ka

yahi hai kufr ashiq ka yahi islam ashiq ka

piya pe qadah labrez de ai saqi mustan

tahi tujh daur mein afsos rahwe jam ashiq ka

har ik yan manzil-e-maqsud ko pahunche hai tujh se hi

magar ik khalq mein firqa hai so nakam ashiq ka

kabhi maashuq ko marte na dekha dar pe ashiq ke

yahi baqi hai sar maashuq ke ilzam ashiq ka

hua hai khat nasir aghaz us mah ru ke chehre par

do chand ab ye nazar ata hai kuchh anjam ashiq ka