ترا جلوہ شام و سحر دیکھتے ہیں

ترا جلوہ شام و سحر دیکھتے ہیں

سلیقے سے شمس و قمر دیکھتے ہیں

پہنچنا ہے دل تک نظر دیکھتے ہیں

کدھر دیکھنا تھا کدھر دیکھتے ہیں

محبت کا ان پر اثر دکھتے ہیں

ملا کر نظر سے نظر دیکھتے ہیں

تجھے دیکھنے والے یوں تو بہت ہیں

مگر ہم بہ رنگ دگر دیکھتے ہیں

جو ہیں نکتہ چیں وہ کریں نکتہ چینی

جو اہل ہنر ہیں ہنر دیکھتے ہیں

ابھی تک تو جی ہم نے کھویا نہیں ہے

ابھی ضبط غم کا اثر دیکھتے ہیں

انہیں میری فرحتؔ خبر ہو تو کیوں کر

جو اخبار پڑھ کر خبر دیکھتے ہیں

tira jalwa sham-o-sahar dekhte hain

saliqe se shams-o-qamar dekhte hain

pahunchna hai dil tak nazar dekhte hain

kidhar dekhna tha kidhar dekhte hain

mohabbat ka un pur asar dikhte hain

mila kar nazar se nazar dekhte hain

tujhe dekhne wale yun to bahut hain

magar ham ba rang-e-digar dekhte hain

jo hain nukta chin wo karen nukta chini

jo ahl-e-hunar hain hunar dekhte hain

abhi tak to ji ham ne khoya nahin hai

abhi zabt-e-gham ka asar dekhte hain

unhen meri farhat khabar ho to kyun kar

jo akhbar parh kar khabar dekhte hain