تجھ کو کس منہ سے بے وفا کہئے

تجھ کو کس منہ سے بے وفا کہئے

کوئی پوچھے سبب تو کیا کہئے

ہم سے کچھ وقت پر نہ بن آئی

لے گئے دل وہ مفت کیا کہئے

مجھ کو سمجھا کے گالیاں دیجے

فقرہ فقرہ جدا جدا کہئے

نہ میں عاشق نہ آپ کو کیا ہوں

غیر سے اپنا مدعا کہئے

جان دیتا ہوں کس خوشی سے میں

آج تو آپ مرحبا کہئے

آئنہ میں دکھا کے کہتا ہوں

آپ ہی ہیں کہ دوسرا کہئے

اب نہ کیجے موئے پہ سو درے

اب نہ عاشق کو با وفا کہئے

tujh ko kis munh se be wafa kahiye

koi puchhe sabab to kya kahiye

ham se kuchh waqt par na ban ai

le gae dil wo muft kya kahiye

mujh ko samjha ke galiyan dije

fiqra fiqra juda juda kahiye

na main ashiq na ap ko kiya hun

ghair se apna muddaa kahiye

jan deta hun kis khushi se main

aj to ap marhaba kahiye

aina mein dikha ke kahta hun

ap hi hain ke dusra kahiye

ab na kije maue pe so darre

ab na ashiq ko ba wafa kahiye