تجھے نقش ہستی مٹایا تو دیکھا

تجھے نقش ہستی مٹایا تو دیکھا

جو پردہ تھا حائل اٹھایا تو دیکھا

یہ سب تیرے ہی حسن کا پرتو ہے

نہ دیکھا تجھے تیرا سایا تو دیکھا

برا مانیے مت مرے دیکھنے سے

تمہیں حق نے ایسا بنایا تو دیکھا

نہ ہوں کیونکہ ممنونؔ پیر مغاں کا

یہ عالم جو ساغر پلایا تو دیکھا

tujhe naqsh-e-hasti mitaya to dekha

jo parda tha hail uthaya to dekha

ye sab tere hi husn ka partau hai

na dekha tujhe tera saya to dekha

bura maniye mat mire dekhne se

tumhen haq ne aisa banaya to dekha

na hun kyunke mamnun-e-pir-e-mughan ka

ye alam jo saghar pilaya to dekha