تجھ سے ظالم کو اپنا یار کیا

تجھ سے ظالم کو اپنا یار کیا

ہم نے کیا جبر اختیار کیا

مثل سیماب بے قرار رہے

ایک جا ہم نے کب قرار کیا

آنکھیں پتھرا گئیں اے سنگیں دل

یاں تلک تیرا انتظار کیا

تو جو کہتا ہے جلد آؤں گا

میں نے کیا تیرا اعتبار کیا

جیب تو کیا ہے ناصحو ہم نے

چاک سینے کو غنچہ وار کیا

نظر آئے قیاس سے باہر

دل کے زخموں کو جب شمار کیا

آتش عشق نے بہ رنگ سپند

دانۂ دل کو بے قرار کیا

تو وفا سے نہ در گزر ؔجوشش

اس نے گو جور اختیار کیا

tujh se zalim ko apna yar kiya

ham ne kya jabr ikhtiyar kiya

misl-e-simab be qarar rahe

ek ja ham ne kab qarar kiya

ankhen pathra gain ai sangin dil

yan talak tera intizar kiya

tu jo kahta hai jald aunga

main ne kya tera etibar kiya

jeb to kya hai naseho ham ne

chak sine ko ghuncha war kiya

nazar ae qayas se bahar

dil ke zakhmon ko jab shumar kiya

atish-e-ishq ne ba rang-e-sapnad

dana-e-dil ko be qarar kiya

tu wafa se na dar guzar joshish

us ne go jaur-e-ikhtiyar kiya