تجھ سے بوسہ میں نہ مانگا کبھو ڈرتے ڈرتے

تجھ سے بوسہ میں نہ مانگا کبھو ڈرتے ڈرتے

دیکھیے آب بقا پاؤں گا مرتے مرتے

کیا ہے انصاف کہ جوں صبح تو ہنستا ہے ہنوز

مر چکا شمع سا میں گریہ ہی کرتے کرتے

اب تو منہ دے مجھے اے نور نظر آئینہ وار

گر گئیں پلکیں سرشک آنکھ سے جھڑتے جھڑتے

نہ ہوا درد سر ناز کا صندل تجھے ہائے

گھس گیا ماتھا ترے پانو پہ دھرتے دھرتے

جب سے دکھلا گیا جاں بخش تو جلوے کی بہار

مر گئیں بلبلیں گل زار سے گرتے گرتے

ہم دوانوں کو نہیں حاجت زنداں طفلو

چھپ گئے ڈھیر میں ہم سنگ کے پڑتے پڑتے

ذرہ کر مہر تو عزلتؔ پہ کہ مانند ہلال

خالی ہوں آپ سے دن ہجر کے پھرتے پھرتے

tujh se bosa mein na manga kabhu darte darte

dekhiye ab-e-baqa paunga marte marte

kya hai insaf ke jun subh to hansta hai hanoz

mar chuka shama sa main girya hi karte karte

ab to munh de mujhe ai nur-e-nazar aina war

gar gain palken sarishk ankh se jharte jharte

na hua dard-e-sar-e-naz ka sandal tujhe hae

ghis gaya matha tire paon pe dharte dharte

jab se dikhla gaya jan bakhsh to jalwe ki bahar

mar gain bulbulen gul zar se girte girte

ham diwanon ko nahin hajat-e-zindan tiflo

chhup gae dher mein ham sang ke parte parte

zarra kar mehr to uzlat pe ke manind-e-hilal

khali hun ap se din hijr ke phirte phirte