تجھ کو آتی ہے دلاسے کی نہیں بات کوئی

تجھ کو آتی ہے دلاسے کی نہیں بات کوئی

کس طرح تجھ سے رکھے جان ملاقات کوئی

لگ چلے تجھ سے وہ کھانی ہو جسے لات کوئی

ہاتھ کس طرح لگا دے تجھے ہیہات کوئی

ڈر سے میں چپ ہوں ترے ورنہ بھری مجلس میں

بات کرتا ہے کوئی تجھ سے اشارات کوئی

مل گئے راہ میں کل وہ تو کہا رنگیںؔ نے

کس طرح تم سے کرے اب بسر اوقات کوئی

کچھ تو انصاف بھلا کیجئے دل میں اپنے

تم نے مانی بھی کبھی میری اجی بات کوئی

tujh ko ati hai dilase ki nahin bat koi

kis tarah tujh se rakhe jan mulaqat koi

lag chale tujh se wo khani ho jise lat koi

hath kis tarah laga de tujhe hehat koi

dar se main chup hun tire warna bhari majlis mein

bat karta hai koi tujh se isharat koi

mil gae rah mein kal wo to kaha rangin ne

kis tarah tum se kare ab basar auqat koi

kuchh to insaf bhala kijiye dil main apne

tum ne mani bhi kabhi meri aji bat koi