تخت جس بے خانماں کا دشت ویرانی ہوا

تخت جس بے خانماں کا دشت ویرانی ہوا

سر اپر اس کے بگولا تاج سلطانی ہوا

کیوں نہ صافی اس کوں حاصل ہو جو مثل آرسی

اپنے جوہر کی حیا سوں سر بسر پانی ہوا

زندگی ہے جس کوں دائم عالم باقی منیں

جلوہ گر کب اس انگے یو عالم فانی ہوا

بیکسی کے حال میں یک آن میں تنہا نہیں

غم ترا سینے میں میرے ہمدم جانی ہوا

اے ولیؔ غیرت سوں سورج کیوں جلے نئیں رات دن

جگ منیں وو ماہ رشک ماہ کنعانی ہوا

takht jis be khanuman ka dasht wirani hua

sar upar us ke bagula taj-e-sultani hua

kyun na safi is kun hasil ho jo misl-e-arsi

apne jauhar ki haya sun sar basar pani hua

zindagi hai jis kun daim alam-e-baqi manen

jalwa gar kab is ange yu alam-e-fani hua

bekasi ke hal mein yak an mein tanha nahin

gham tira sine mein mere hamdam-e-jani hua

ai wali ghairat sun suraj kyun jale nain rat din

jag manen wo mah rashk-e-mah kanani hua