ترا مجنوں ہوں صحرا کی قسم ہے

ترا مجنوں ہوں صحرا کی قسم ہے

طلب میں ہوں تمنا کی قسم ہے

سراپا ناز ہے تو اے پری رو

مجھے تیرے سراپا کی قسم ہے

دیا حق حسن بالا دست تجکوں

مجھے تجھ سرو بالا کی قسم ہے

کیا تجھ زلف نے جگ کوں دوانا

تری زلفاں کے سودا کی قسم ہے

دو رنگی ترک کر ہر اک سے مت مل

تجھے تجھ قد رعنا کی قسم ہے

کیا تجھ عشق نے عالم کوں مجنوں

مجھے تجھ رشک لیلیٰ کی قسم ہے

ولیؔ مشتاق ہے تیری نگہ کا

مجھے تجھ چشم شہلا کی قسم ہے

tira majnun hun sahra ki qasam hai

talab mein hun tamanna ki qasam hai

sarapa naz hai to ai pari ru

mujhe tere sarapa ki qasam hai

diya haq husn bala dast-e-tajkun

mujhe tujh sarw bala ki qasam hai

kiya tujh zulf ne jag kun dawana

tiri zulfan ke sauda ki qasam hai

do rangi tark kar har ik se mat mil

tujhe tujh qad-e-raana ki qasam hai

kiya tujh ishq ne alam kun majnun

mujhe tujh rashk-e-laila ki qasam hai

wali mushtaq hai teri nigah ka

mujhe tujh chashm-e-shahla ki qasam hai