تجھ لب کی صفت لعل بدخشاں سوں کہوں گا

تجھ لب کی صفت لعل بدخشاں سوں کہوں گا

جادو ہیں ترے نین غزالاں سوں کہوں گا

دی بادشہی حق نے تجھے حسن نگر کی

یو کشور ایراں میں سلیماں سوں کہوں گا

تعریف ترے قد کی الف وار سریجن

جا سرو گلستاں کوں خوش الحاں سوں کہوں گا

مجھ پر نہ کرو ظلم تم اے لیلی خوباں

مجنوں ہوں ترے غم کوں بیاباں سوں کہوں گا

دیکھا ہوں تجھے خواب میں اے مایۂ خوبی

اس خواب کو جا یوسف کنعاں سوں کہوں گا

جلتا ہوں شب و روز ترے غم میں اے ساجن

یہ سوز ترا مشعل سوزاں سوں کہوں گا

یک نقطہ ترے صفحۂ رخ پر نئیں بے جا

اس مکھ کو ترے صفحۂ قرآں سوں کہوں گا

قربان پری مکھ پہ ہوئی چوب سی جل کر

یہ بات عجائب مہ تاباں سوں کہوں گا

بے صبر نہ ہو اے ولیؔ اس درد سوں ہرگز

جلتا ہوں ترے درد میں درماں سوں کہوں گا

tujh lab ki sifat laal-e-badakhshan sun kahunga

jadu hain tire nain ghazalan sun kahunga

di badshahi haq ne tujhe husn nagar ki

yu kishwar iyaran mein sulaiman sun kahunga

taarif tire qad ki alif war sirijin

ja sarw gulistan kun khush ilhan sun kahunga

mujh par na karo zulm tum ai laila khuban

majnun hun tire gham kun bayaban sun kahunga

dekha hun tujhe khwab mein ai maya-e-khubi

is khwab ko ja yusuf-e-kanan sun kahunga

jalta hun shab-o-roz tire gham mein ai sajan

ye soz tira mashal sozan sun kahunga

yak nuqta tire safha-e-rukh par nain be ja

is mukh ko tire safha-e-quran sun kahunga

qurban pari mukh pe hui chob si jal kar

ye bat ajaib mah-e-taban sun kahunga

be sabr na ho ai wali is dard sun hargiz

jalta hun tire dard mein darman sun kahunga