تجھی کو جو یاں جلوہ فرما نہ دیکھا

تجھی کو جو یاں جلوہ فرما نہ دیکھا

برابر ہے دنیا کو دیکھا نہ دیکھا

مرا غنچۂ دل ہے وہ دل گرفتہ

کہ جس کو کسو نے کبھو وا نہ دیکھا

یگانہ ہے تو آہ بیگانگی میں

کوئی دوسرا اور ایسا نہ دیکھا

اذیت مصیبت ملامت بلائیں

ترے عشق میں ہم نے کیا کیا نہ دیکھا

کیا مج کو داغوں نے سرو چراغاں

کبھو تو نے آ کر تماشا نہ دیکھا

تغافل نے تیرے یہ کچھ دن دکھائے

ادھر تو نے لیکن نہ دیکھا نہ دیکھا

حجاب رخ یار تھے آپ ہی ہم

کھلی آنکھ جب کوئی پردا نہ دیکھا

شب و روز اے دردؔ در پے ہوں اس کے

کسو نے جسے یاں نہ سمجھا نہ دیکھا

tujhi ko jo yan jalwa farma na dekha

barabar hai duniya ko dekha na dekha

mira ghuncha-e-dil hai wo dil girafta

ke jis ko kisu ne kabhu wa na dekha

yagana hai to ah beganagi mein

koi dusra aur aisa na dekha

aziyyat musibat malamat balaen

tire ishq mein ham ne kya kya na dekha

kya maj ko daghon ne sarw-e-charaghan

kabhu tu ne a kar tamasha na dekha

taghaful ne tere ye kuchh din dikhae

idhar tu ne lekin na dekha na dekha

hijab-e-rukh-e-yar the ap hi ham

khuli ankh jab koi parda na dekha

shab-o-roz ai dard dar pe hun us ke

kisu ne jise yan na samjha na dekha